لاہور(سپورٹس ڈیسک) پاکستانی کرکٹ ٹیم کے آل راؤنڈر محمد حفیظ نے دبئی میں آسٹریلیا کے خلاف ٹیسٹ سیریز میں اسکواڈ جوائن کرلیا۔سلیکشن کمیٹی نے ڈومیسٹک کرکٹ میں اچھی فارم کا مظاہرہ کرنے والے آل رانڈر محمد حفیظ کو 18ویں رکن کے طور پر اسکواڈ میں شامل کیا تھا،۔یاد رہے کہ محمد حفیظ نے آخری ٹیسٹ میچ اگست 2016ء میں انگلینڈ کے خلاف برمنگھم میں کھیلا تھا، اس کے بعد قومی ون ڈے اور ٹی ٹونٹی اسکواڈ میں ان اور آؤٹ ہوتے رہے، آخری ایک روزہ میچ جنوری 2018ء میں

نیوزی لینڈ کے خلاف ویلنگٹن میں کھیلا تھا، اس کے بعد انہیں روال سال دورہ زمبابوے کے لئے ٹیم میں شامل کیا گیا لیکن 2 ٹی ٹونٹی میچز میں ناکامی کے بعد پانچوں ون ڈے باہر بیٹھ کر دیکھے۔ ایشیاء کپ میں انہیں سلیکشن کے قابل نہیں سمجھا گیا تھا، کینگروز کے خلاف ٹیسٹ سیریز کے لئے اسکواڈ میں بھی انہیں شامل کرنے سے گریز کیا گیا تھا تاہم یواے ای کی کنڈیشنز میں بہتر بیٹنگ کی صلاحیت اور اسپن بولنگ کی اضافی خوبی کی وجہ سے انہیں اسکواڈ میں شامل کیا گیا ہے جہاں 17کھلاڑی پہلے ہی موجود ہیں۔

موضوعات:محمد حفیظ