(مانیٹرنگ ڈیسک)ن لیگ سے منحرف سابق وفاقی وزیر داخلہ چوہدری نثار نے حالیہ الیکشن میں آزاد امیدوار کے طور پر قومی اسمبلی کی دو نشستوں اور ایک صوبائی اسمبلی کی نشست سے الیکشن میں حصہ لیا تھا جس میں انہیں صوبائی اسمبلی کی نشست پر تو کامیابی حاصل ہوئی تاہم دو نشستوں پر تحریک انصاف کے غلام سرور نے

انہیں الیکشن میں مات دیدی تھی۔ پی پی 10راولپنڈی سے منتخب رکن پنجاب اسمبلی چوہدری نثار آج پنجاب اسمبلی کے افتتاحی اجلاس میں شرکت کیلئے نہیں آئے اور انہوں نے اسمبلی میں آکر حلف بھی نہیں اٹھایا۔ پنجاب اسمبلی کے نومنتخب اراکین سے سپیکر رانا محمد اقبال نے حلف لیا تاہم سابق وفاقی وزیر داخلہ حلف لینے اسمبلی نہ آئے۔

موضوعات:پنجاب اسمبلی اجلاس چوہدری نثار