کراچی (مانیٹرنگ ڈیسک) کرکٹ کی دنیا کے ہردلعزیز کھلاڑی شاہد آفریدی نے سابق قومی گول کیپر جو کہ دل کے عارضہ میں مبتلا ہیں کے علاج کا سارا خرچہ اٹھانے کا اعلان کر دیا ہے۔ ایک نجی ٹی وی چینل کی رپورٹ کے مطابق شاہد آفریدی نے منصور احمد کے علاج کی ذمے داری سنبھالنے کا اعلان کرتے ہوئے کہا کہ منصور احمد کے علاج پر اٹھنے والے تمام اخراجات ہماری فاؤنڈیشن ادا کرے گی، ہم انہیں مایوس نہیں ہونے دیں گے۔ اس سے

پہلے منصور احمد نے وزیراعظم پاکستان سے علاج معالجہ کے اخراجات دینے کی اپیل کی تھی، انہیں علاج معالجہ کے لیے بیرون ملک منتقل کرنا ہو گا۔ ہاکی کے معروف کھلاڑی منصور احمد کا دل اب 20 فیصد کام کر رہا ہے جب کہ ان کے دیگر اعضا نے بھی کام کرنا چھوڑ دیا ہے، وہ گزشتہ 18 یوم سے مقامی ہسپتال کے انتہائی نگہداشت وارڈ میں زیرعلاج ہیں جہاں پر ان کے ادارے کسٹمز نے 5 لاکھ جب کہ 10 لاکھ روپے پی ایچ ایف نے ادا کیے ہیں۔

موضوعات:شاہد آفریدی