لاہور (مانیٹرنگ ڈیسک) پاکستان مسلم لیگ (ن) کے مرکزی رہنما سینیٹر پرویز رشید نے کہا ہے کہ جو اپنی جماعت کے لیے بوجھ ہو وہ کسی دوسری جماعت کے لیے خطرہ کیسے ہو سکتا ہے، میاں نواز شریف کی قیادت پر مکمل اعتماد ہے اور پارٹی لیڈر شپ اور آئندہ انتخابات کے لیے نواز شریف ہی اصلی چہرہ ہیں ۔نجی ٹی وی سے گفتگو میں انہوں نے کہا کہ پانامہ کیس کے بعد

بھی نواز شریف اور مسلم لیگ (ن)کی مقبولیت میں کمی نہیں آئی ۔شہباز شریف کو جوبھی ذمہ داری دی جائے گی وہ اس کو بخوبی نبھائیں گے ۔ آصف علی ذرداری کے طاہر القادری کے گھر آمد کے پر پرویز رشید نے کہا کہ طاہر القادری کے آستانے پر ماتھا ٹیکنے والے ذرداری کو سنجیدہ نہیں لینا چاہیے ۔ آئندہ انتخابا ت اپنے وقت پر ہی ہونگے اور کوئی ان پر اثر انداز نہیں ہوسکتا ۔

موضوعات:سینیٹر پرویز رشید