لاہور ( این این آئی) مسقط میں شیڈول ایشین ہاکی چیمپئنز ٹرافی کے لئے قومی ہاکی ٹیم کا اعلان کردیا گیا ۔ٹیم کی قیادت رضوان سینئر کریں گے جبکہ دیگر کھلاڑیوں میں نائب کپتان عماد شکیل بٹ، عمران بٹ، عرفان سینئر ،علیم بلال، مبشرعلی، محمد توثیق، تصورعباس، اعجاز احمد، عرفان جونیئر ، علی شان، مظہر عباس، رضوان جونیئر، فیصل قادر، ابوبکر، عمر بٹہ، محمد عتیق اور

محمد زبیر شامل ہیں۔ایشین چیمپئینز ٹرافی 18تا 28اکتوبر مسقط میں شیڈول ہے، پاکستان اپنا پہلا میچ جنوبی کوریا کے خلاف 19اکتوبر کو کھیلے گا، جبکہ قومی ٹیم دوسرے میچ میں روایتی حریف و دفاعی چمپئن بھارت کے خلاف 22اکتوبر کو میدان میں اترے گی۔پاکستان کا تیسرے میچ میں میزبان اومان سے ٹکرا 22 اکتوبر کو ہوگا جبکہ چوتھا میچ 24اکتوبر کو چاپان سے ہوگا۔

موضوعات:ایشین ہاکی چیمپئنز ٹرافی