نئی دہلی (این این آئی)بھارتی ہائی کمیشن نے 10 سے 14 مئی تک دہلی میں ہونے والی ایشین ریسلنگ چمپئن شپ کیلئے پاکستانی ریسلرز کو ویزا جاری کرنے سے انکار کردیا ہے۔سیکرٹری پاکستان ریسلنگ فیڈریشن محمد ارشد نے بتایا کہ

45 دن قبل ہم نے اپنے بھارت کے ویزے کیلئے درخواست دی تھی تاہم ہمیں اب بتایا گیا ہے کہ بھارت نے ایونٹ کیلئے ہامرے ریسلرز اور آفیشلز کو ویزے جاری کرنے سے انکار کردیا ہے۔پانچ دن دہلی میں ہونے والے ایونٹ میں پاکستان کے محمد انعام بٹ اور محمد بلال کو شرکت کرنا تھی۔نجی ٹی وی سے گفتگو کرتے ہوئے انہوں نے بتایا کہ ہماری فیڈریشن نے یونائیٹڈ ورلڈ ریسلنگ کو تحریری شکایت کردی اور مطالبہ کیا کہ بھارت کو اس وقت تک ایونٹ کی میزبانی کے حقوق نہ دیے جائیں ٗجب تک وہ پاکستان سمیت ایونٹ میں شرکت کرنے والے تمام ممالک کے کھلاڑیوں کو ویزے جاری کرنے کی یقین دہانی نہ کرائے۔

موضوعات:بھارت پاکستان