سڈنی(آن لائن) آسٹریلیا کے خلاف چوتھے ون ڈے میں شکست کے بعد پاکستان کی 2019 ورلڈکپ میں شرکت پر سوالیہ نشان لگ گیا اور قومی ٹیم ایک مرتبہ پھر اگر مگر کے چکر میں پھنس گئی ہے۔ماہرین کے مطابق پاکستانی ٹیم اگر آسٹریلیا کے خلاف آخری ون ڈے جیت جائے تو براہ راست میگا ایونٹ میں انٹری کا چانس بڑھ جائے گامگر آئندہ

سیریز میں ویسٹ انڈیز سے ایک بھی میچ ہارے تو گرین شرٹس کی مشکلات بڑھ جائیں گی۔
واضح رہے کہ آسٹریلیا نے چوتھے ون ڈے میں پاکستان کو86رنز سے شکست دیکر میچ اور سیریز دونوں اپنے نام کرلی۔ پاکستانی ٹیم354رنز ہدف کے تعاقب میں 43.5اوورز میں 267رنز بنا کر آؤٹ ہوگئی۔پاکستان کی جانب سے شرجیل خان 74،شعیب ملک47،محمد حفیظ40،بابر اعظم 31اور عماد وسیم25رنز بنا کر نمایاں بلے باز رہے۔آسٹریلیا کی جانب سے ہیزل ووڈ اور زمپا نے3،3ہیڈ نے2اور مچل سٹار ،پٹ کمینز نے ایک ایک وکٹ حاصل کی۔آسٹریلیا کے ڈیوڈ وارنر کو مین آف دی میچ کا ایوارڈ دیا گیا۔

موضوعات:پاکستان بمقابلہ آسٹریلیا ورلڈکپ