اسلام آباد(مانیٹرنگ ڈیسک)جھوٹ بولنا آج کل کے دور میں نہایت عام ہوگیا ہے اور بعض اوقات جھوٹے اور سچے افراد کے درمیان یقین کرنا نہایت مشکل ہوجاتا ہے کونکہ لوگ بہت ڈھٹائی اور خود اعتمادی کے ساتھ جھوٹ بولتے ہیں۔لیکن ابھی بھی جھوٹے کو پہچاننے کے کچھ نہایت آسان اور مؤثر طریقے ہیں جن کے ذریعے آپ باآسانی سامنے والے شخص کے الفاظ کا جھوٹ یا

سچ ہونے کا اندازہ کرسکتے ہیں۔آج ہم وہی طریقے آپ کو بتانے جارہے ہیں۔جھوٹے شخص سے کسی چیز کے بارے میں دریافت کیا جائے تو وہ کوشش کرتا ہے کہ اپنا نام نہ لے، اس کی جگہ وہ چیزوں کو ایسے بیان کرتا ہے جیسے وہ اتفاقاً ہوگئیں یا کسی اور نے انہیں انجام دیا۔کچن میں کوئی برتن ٹوٹ جائے اور جو شخص اس پر سب سے زیادہ شور شرابہ کرے، کہ ’یہ ٹوٹ گیا ہے، اسے کس نے توڑا‘، یا ’مجھے یہ برتن ٹوٹا ہوا ملا‘تو یقیناً برتن اسی کے ہاتھوں ٹوٹا ہے۔سچ بولنے والا شخص معذرت خواہانہ انداز میں اعتراف کرلے گا کہ یہ برتن اس کے ہاتھ سے ٹوٹا۔تلخ انداز میں تاویل دیناجھوٹا شخص کسی غلطی کے لیے جھوٹی اور تلخ تاویلیں دے گا۔اگر کسی شخص کو کسی جگہ پر دیر سے پہنچنے کی وجہ سے فون کیا جائے اور وہ غصے میں کہے، ’میں یہاں کچھ بیوقوفوں کی وجہ سے واہیات ٹریفک جام میں پھنسا ہوا ہوں‘، تو اس کا مطلب ہے کہ یہ صرف اس کا بہانہ ہے۔سچ بولنے والا شخص دھیمے لہجے میں بتا دے گا کہ وہ ٹریفک جام میں پھنسا ہوا ہے اور ساتھ ہی دیر سے پہنچنے پر معذرت بھی کرلے گا۔جھوٹ ایک قبیح فعل ہے جو بعض اوقات اس حد تک انسان کی ذلت و رسوائی کا باعث بن جاتا ہے کہ سوچنا محال ہے، ہمارے نبی کریمﷺ نے بھی ہمیں یہی تعلیم دی ہے کہ ہمیشہ سچ بولیں اور جھوٹ سے پرہیز کریں۔

موضوعات:ﺟﮭﻮﭦ