کراچی(این این آئی)کراچی کے علاقے تیموریہ میں موبائل فون نہ دینے پر ڈاکوئوں نے لڑکی کو گولی ماردی،واردات کے بعد ڈاکو فرار ہونے لگے تو شہریوں نے ایک مبینہ ڈکیت کو پکڑ لیا، فائرنگ کی آواز سن کر پولیس پہنچی تو فائرنگ کے تبادلے میں ایک ڈکیت مارا گیا۔

تفصیلات کے مطابق کراچی کے علاقے تیموریہ میں ڈکیتی مزاحمت پر ڈاکوئوں کی فائرنگ سے 16 سالہ گھریلو ملازمہ مصباح زخمی ہوگئی جسے تشویش ناک حالت میں اسپتال منقل کردیا گیا ہے۔ذرائع نے بتایاکہ لڑکی نے موبائل فون چھیننے کے دوران مزاحمت کی تو ڈاکوئوں نے اسے دو گولیاں مار کر زخمی کردیا۔واردات کے بعد ڈاکو فرار ہونے لگے تو شہریوں نے ایک مبینہ ڈکیت کو پکڑ لیا، فائرنگ کی آواز سن کر پولیس پہنچی تو فائرنگ کے تبادلے میں ایک ڈکیت مارا گیا۔ذرائع نے بتایاکہ ایک ڈکیت کو شہریوں نے پکڑ کر پولیس کے حوالے کردیا جبکہ تیسرا ملزم فائرنگ کرتے ہوئے فرار ہوگیا۔پولیس حکام کے مطابق گرفتار ملزم سے اسلحہ اور لوٹا ہوا سامان برآمد کرلیا گیا ہے۔دوسری جانب زخمی لڑکی کے چچا نے بتایاکہ مصباح گھروں پر کام کرتی ہے، بچی نے موبائل فون نہیں دیا تو ڈاکوئوں نے گولی مار دی، مصباح کو دو گولیاں لگی ہیں وہ اسپتال میں بیہوش ہے۔

موضوعات:موبائل فون