لاہور(پی پی آئی)جلاوگھراوکیس میں پی ٹی آئی رہنما اسد عمرکی عبوری ضمانت7اپریل تک منظور کی گئی ۔ تفصیلات کے مطابق انسداددہشت گردی عدالت لاہور میں پی ٹی آئی ریلی کے دوران جلاوگھراو کرنے اور پولیس پرتشدد کرنے کے کیس کی سماعت ہوئی۔

انسداددہشت گردی عدالت لاہور نے اسد عمرکی عبوری ضمانت 7 اپریل تک منظورکرلی ہے۔عدالت نے1لاکھ روپے مچلکے جمع کرانےکی ہدایت کر دی۔عدالت نے اسدعمر کو شامل تفتیش ہونے کا بھی حکم دے دیا۔عدالت نے گزشتہ روز اسدعمرکے پیش نہ ہونے پرانکی ضمانت خارج کردی تھی۔ دوسری جا نب لاہورہائیکورٹ نے پی ٹی آئی رہنما شہبازگل کو چار ہفتوں کے لیے امریکہ جانے کی اجازت دے دی۔لاہورہائیکورٹ میں چیف جسٹس کی سربراہی میں تین رکنی بینچ نے شہبازگل کی درخواست پرسماعت کی۔عدالت نے پی ٹی آئی رہنما کو امریکا جانے کی اجازت دیدی۔عدالت نے رہنما پی ٹی آئی شہبازگل کا نام ایگزٹ کنٹرول لسٹ سے نکالنے پر وفاقی حکومت سے جواب بھی طلب کرلیا گیا۔ داریں اثنا سندھ ہائیکورٹ نے شہباز گل کے خلاف کراچی میں درج مقدمہ منسوخ کردیا۔پولیس نے میمن گوٹھ تھانے میں درج مقدمے کی رپورٹ سندھ ہائیکورٹ میں جمع کرادی۔رپورٹ میں پولیس نے کہا کہ شہبازگل اور دیگر کے خلاف کیس نہیں بنتا، اس لئے مقدمہ منسوخ کردیا ہے۔عدالت نے پولیس رپورٹ کے بعد درخواست نمٹا دی۔

موضوعات:شہباز گل