کراچی (مانیٹرنگ ڈیسک) حکومت سندھ نے سندھ پولیس اور ڈائریکٹر جنرل رینجرز کو آگاہ کیا ہے کہ تین کا لعدم تنظیموں نے صوبے کے تین بڑے شہروں کراچی ، حیدرآباد اور سکھر میں بڑی دہشت گرد وارداتوں کا منصوبہ بنایا ہے۔روزنامہ جنگ میں امداد سومرو کی خبر کے مطابق اس حوالے سے

متعلقہ اور مذکورہ حکام کو روانہ کردہ خط کے مطابق ان علیحدگی پسند کالعدم تنظیموں میں بلوچستان ریولیوشن آرمی (بی آر اے)بلوچ راجی اجائے سنگر( ہراس ) اور سندھ ریولیوشن آرمی (ایس آر اے ) شامل ہیں اس مقصد کے لیے مذکورہ تنظیموں نےوابستہ دہشت گردوں میں اسلحہ ، گولہ بارود بھی تقسیم کردیا ہے ۔خط میں کہا گیا ہے کہ برہمداغ بگٹی کا سالہ شجاع بگٹی کراچی کے ضلع جنوبی میں رہائش پذیر اور کراچی یونیورسٹی میں زیر تعلیم ہے وہ ایٹلیجنس کمانڈر کے طور پر اپنی تنظیم کو تیکنیکی معلومات فراہم کرتا ہے ۔وہ جامعہ کراچی کے طلباء کو اپنی کالعدم تنظیم میں شامل اور سکھر میں دہشت گرد کارروائیوں کا منصوبہ رکھتا ہے جس کے لیے اہداف مقرر کر لئے گئے ہیں اس کے علاوہ خیر پور بیرس کا زاہد چانڈیو جو بی آر اے سے تعلق رکھتا ہے اسے قانون نافذ کرنے والے دفاتر اور سرکاری عمارتوں کو نشانہ بنانے کی ذمہداری سوپنی گئی ہے ۔ تمام قانون نافذ کرنے والے اداروں اور انسداد دہشت گرد کےلیے آپس میں مربوط اور تعاون کے لیے کہا گیا ہے۔

موضوعات:خطرہ