عمران خان کے اپنے وزراء بھی اب تحریک انصاف کی انتقامی کارروائیوں اور من گھڑت کیسز کے گواہ بن گئے،بڑا دعویٰ

اسلام آباد ( آن لائن)وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ،احتساب کا نعرہ لگا کر دوسروں کو

چور ڈاکو کہنے والوں کا بھی اب احتساب ہونا چاہئے، عالمی سازش کے بیانیہ کے ساتھ احتساب کے بیانیہ کا بھی بھانڈا پھوٹ گیا ہے،

عمران خان کے اپنے وزراء بھی اب تحریک انصاف کی انتقامی کاروائیوں اور من گھڑت کیسز کے گواہ بن گئے ہیں،

ہفتہ کے روز ٹوئٹر پیغام میں شیری رحمان نے کہا کہ جس بیانیہ کو لیکر عمران خان پونے چار سال مخالفین کو نشانا بناتے رہے

وہ محض ایک کھوکھلا نعرہ نکلا،انہوں نے سیاسی مقاصد کیلئے قانون اور احتساب کے اداوں کو یرغمال بنایا،

نام نہاد احتساب کے عمل میں کس سطح پر مداخلت کی گئی اس کی اب تحقیقات ہونی چاہئے،پوری قوم کو پتا ہونا چاہئے کہ

تحریک انصاف نے پونے چار سال اداروں اور قوانین کی کس طرح دھجیاں اڑائی،انہوں نے مزید کہا کہ اقتدار ملک و قوم کی امانت ہوتا ہے،

دوسروں کو چور ڈاکو بولنے والوں نی اقتدار اور طاقت کا بے دریغ استعمال کیا،احتساب کا نعرہ لگا کر دوسروں کو چور ڈاکو کہنے

والوں کا بھی اب احتساب ہونا چاہئے، عمران خان کی مفروضی بیانیوں پر بنی تحریک اب چل نہیں پا رہی ہے۔

موضوعات:شیری رحمان