اسلام آباد (این این آئی) وفاقی وزیراطلاعات و نشریات مریم اور نگزیب نے ایک بار پھر واضح کیا ہے کہ پاک فوج اورعدلیہ کی توہین کے معاملے پر کوئی رعایت نہیں کی جائے گی،

پی ٹی وی میں جو میرٹ کے خلاف بھرتیاں ہوئیں ان لوگوں کو برطرف کردیا گیا۔ قومی اسمبلی میں اظہار خیال کرتے ہوئے وزیر اطلاعات نے کہاکہ گزشتہ حکومت نے وزارت اطلاعات میں نہیں بلکہ ہر وزارت میں رولز رلیکس کرکے بھرتیاں کیں،پی ٹی وی میں جو میرٹ کے خلاف بھرتیاں ہوئیں ان لوگوں کو برطرف کردیا گیا۔ انہوںنے کہاکہ وزارت اطلاعات میں بھی غیر قانونی بھرتیوں کے حامل ملازمین کو برطرف کردیا گیا ہے ۔ مریم اور نگزیب نے کہاکہ واضح طور پر کہنا چاہتی ہوں کہ پاک فوج عدلیہ کی توہین کے معاملے پر کوئی رعایت نہیں کی جائے گی۔ انہوںنے کہاکہ پیمرا اس کی مانیٹرنگ کر رہا ہے،اظہار آزادی کیساتھ آئینی زمہ داری بھی ادا کرنا لازم ہے۔ انہوںنے کہاکہ جو بھی چینل پاک فوج اور عدلیہ کے خلاف مہم چلاتے ہیں ان پر پابندی کا قانون موجود ہے۔

موضوعات:مریم اور نگزیب