اسلام آباد(این این آئی)ملتان سلطانز کے اسسٹنٹ کوچ مشتاق احمد نے کہا ہے کہ پوری ٹیم رضوان کی عزت کرتی ہے، وہ پلیئرز کو گرنے نہیں دیتے، محمد رضوان میں کپتان بننے کی صلاحیتیں ہیں۔ایک انٹرویومیں مشتاق احمد نے کہا کہ ملتان سلطانز کی کارکردگی کا کریڈٹ لیڈرشپ کو جاتا ہے،

رضوان اور اینڈی فلاور کی قیادت میں سب نے مل کر کھیلا ہے۔مشتاق احمد نے کہا کہ محمد رضوان ایماندار ہیں اور فیصلہ سازی میں ہچکچاتے نہیں، پوری ٹیم شاہنواز دھانی کی موجودگی کو انجوائے کرتی ہے۔انہوں نے کہا کہ پی ایس ایل نے کئی پلیئرز دیے، اس بار بھی کچھ پلیئرز ہیں، کراچی میں محدود تماشائیوں کے باوجود بہت سپورٹ ملی تھی۔مشتاق احمد نے کہا کہ ہم اپنے پراسیس پر زیادہ توجہ دیتے ہیں، محنت کریں گے۔دوسری جانب اسلام آباد یونائیٹڈ کے کپتان شاداب خان نے پاکستان سپر لیگ (پی ایس ایل) سیون کا فائنل کھیلنے والی ٹیموں کے لیے نیک تمناؤں کا اظہار کیا ہے۔اپنے ٹوئٹر پیغام میں شاداب خان نے کہا کہ پی ایس ایل فائنل کھیلنے والی ملتان سلطانز اور لاہور قلندرز کے لیے میری نیک تمنائیں ہیں۔شاداب خان نے کہا کہ ملتان سلطانز نے اس ایونٹ میں بہت ہی آؤٹ اسٹینڈنگ پرفارمنس کا مظاہرہ کیا ہے۔اسلام آباد یونائیٹڈ کے کپتان کا کہنا تھا کہ لاہور کے تماشائیوں نے اس ایونٹ کو بہت ہی بہترین بنادیا ہے۔واضح رہے کہ پی ایس ایل کے فائنل کا ٹاس لاہور قلندرز نے جیت لیا ہے اور پہلے بیٹنگ کرنے کا فیصلہ کیاہے۔

موضوعات:مشتاق احمد