لاہور(مانیٹرنگ، این این آئی)محمد حارث نے پی ایس ایل 7 میں تیز ترین نصف سنچری کرکے تاریخ رقم کر دی، پشاور زلمی کے نوجوان بیٹر محمد حارث نے اسلام آباد یونائیٹڈ

کے خلاف تیز ترین نصف سنچری بنائی، انہوں نے 18 گیندوں پر نصف سنچری بنائی۔واضح رہے کہ محمد حارث تیز ترین نصف سنچری بنانے والے تیسرے کھلاڑی بن گئے، پہلے اور دوسرے نمبر پر کامران اکمل اور آصف علی موجود ہیں جنہوں نے 17 گیندوں پر نصف سنچری بنا رکھی ہے۔دوسری جانب قومی ٹیم کے فاسٹ بولر اور پاکستان سپر لیگ(پی ایس ایل)7 میں پشاور زلمی کے کپتان وہاب ریاض نے پی ایس ایل میں وکٹوں کی سنچری مکمل کرلی۔فاسٹ بولر وہاب ریاض ایچ بی ایل پی ایس ایل میں 100 وکٹیں لینے والے پہلے بولر بن گئے ہیں۔پشاور زلمی کے کپتان اور فاسٹ بولر وہاب ریاض نے اپنے پی ایس ایل کے 75 ویں میچ میں وکٹوں کی سنچری مکمل کی۔ اسلام آباد یونائیٹڈ اور پشاور زلمی کے درمیان ہونے والے میچ میں اسلام آباد یونائیٹڈ کے بلے باز دانش عزیز پی ایس ایل میں وہاب ریاض کا 100 واں شکار بنے۔

موضوعات:محمد حارث