اسلام آباد (این این آئی، مانیٹرنگ ڈیسک)وفاقی دارالحکومت میں بلی کو پھانسی دینے پر شہری کو گرفتار کر لیا گیا۔وفاقی دارالحکومت میں سفاک شہری نے بلی کو مار دیا اورپھربلی کو لوہے کی سیڑھی کے ساتھ لٹکا دیا۔سوشل میڈیا پر بلی کو پھانسی لگا کر لوہے کی سیڑھیوں سے ٹانگنے کی تصویر وائرل ہو گئی۔تھانہ لوہی بھیر پولیس کا کہنا ہے کہ اس واقعے کے خلاف

رہائشی خاتون انیلہ عمیر نے تھانے میں تحریری درخواست دی تھی جس پر ملزم کو تعزیرات پاکستان کی دفعہ 429 اینیمل ایکٹ کے تحت مقدمہ درج کر کے گرفتارکر لیا گیا۔ڈپٹی کمشنر اسلام اٰباد حمزہ شفقات نے کہا کہ واقعے کا مقدمہ درج کر کے سفاک شہری کو گرفتار کر لیا گیا ہے۔نجی ٹی وی کے مطابق ملزم کا نام راجہ عبدالقیوم اور وہ ریٹائرڈ سرکاری ملازم ہے ۔

موضوعات:بلی