گوجرانوالہ (این این آئی)گوجرانوالہ میں زیادتی کا نشانہ بننے والی 15سالہ لڑکی کی ورثاء کے ہاتھوں تشدد کے نتیجے میں موت واقع ہو گئی۔پولیس کے مطابق ملزم زیادتی کے بعد لڑکی کو چھوڑ کر فرار ہوگیا تھا، ورثا نے لڑکی کوہسپتال منتقل کرنے کے بجائے اس پر تشدد کیا۔پولیس کے مطابق تشدد سے لڑکی کی موت واقع ہوئی جبکہ

لڑکی کا رشتے دار اور اس کی بیوی کو گرفتار کر لیا گیا ہے۔پولیس کا کہنا ہے کہ گرفتار ملزمان کا 3 روزہ جسمانی ریمانڈ حاصل کر لیا گیا ہے۔پولیس کے مطابق لڑکی کی موت کی وجہ کا تعین پوسٹمارٹم رپورٹ آنے پر کیا جائے گا۔واضح رہے کہ گوجرانوالہ میں یہ افسوسناک واقعہ گزشتہ روز وزیر آباد میں پیش آیا تھا۔دوسری جانب قصور کے نواحی علاقے میں ڈیرے پر فائرنگ کی گئی جس کے نتیجے میں وکیل اور خاتون سمیت 3 افراد جاں بحق ہو گئے۔اظہر ثانی ایڈووکیٹ اپنے ڈیرے میں موکل اور چند رشتے داروں کے ہمراہ بیٹھے ہوئے تھے کہ دو مسلح افراد نے داخل ہوکر اچانک فائرنگ کردی۔اظہر ثانی ایڈووکیٹ، مشتاق اور خاتون ثوبیہ بی بی موقع پر ہی چل بسے جبکہ ایک شخص زخمی بھی ہوا۔فائرنگ کے بعد ملزمان فرار ہونے میں کامیاب ہو گئے۔ واقعے کے خلاف ڈسٹرکٹ بار قصور نے ہڑتال کا اعلان کردیا۔دریا خان میں شوہر نے گھریلو جھگڑا پر بیوی کو قتل کر کے مقتولہ کی نعش تھل کینال میں پھینک دی جسے برآمد کر کے پوسٹمارٹم کے بعد ورثاء کے سپرد کر دیا گیا پولیس مقدمہ قتل درج کر کے مصروف تفتیش ہے۔زرائع کے مطابق سرگودھا ریجن کے قصبہ دریاخان کے نواح قریشیاں والا میں خاوند نے گھریلو جھگڑا پر اپنی بیوی کو قتل کردیا اور خود کو بچانے کے لئے مقتولہ کی نعش تھل کینال میں پھینک دی پولیس نے مقتولہ کی نعش تھل کینال سے برآمد کر کے پوسٹمارٹم کے بعد ورثاء کے سپرد کر دی اور واقعہ کا مقدمہ قتل درج درج کر کے پولیس مصروف تفتیش ہے۔

موضوعات:تشدد