ممبئی(این این آئی) بالی ووڈ کے دبنگ اسٹار سلمان خان نے اپنے طویل ترین فلمی کیرئیر میں اب تک بوس وکنار کے مناظر کی عکس بندی نہیں کرائی جس کی وجہ انہوں نے اپنی والدہ کو قرار دے دیا۔

بالی ووڈ اسٹار فلموں میں کام کرنے کے معاہدے میں اپنی شرائط بھی رکھواتے ہیں جو کہ بڑی دلچسپ قسم کی ہوتی ہیں اور بعض دفعہ اپنی شرائط پوری نہ ہونے پر بڑی بڑی فلموں سے بھی ہاتھ دھونا پڑتا ہے لیکن اب سلو میاں کے معاہدے میں بوس وکنار کے مناظر نہ کرنے کی شرط کی اصل وجہ سے بھی پردہ اٹھ گیا ہے۔سلمان خان  نے 29 سالہ فلمی کیرئیر میں کئی طرح کے کرداروں میں جلوہ گر ہوئے ہیں لیکن انہوں نے کبھی بھی کوئی بوس و کنار والے مناظر کی عکس بندی نہیں کرائی  جب کہ فلموں میں کام کرنے کے معاہدے میں بھی وہ بوس وکنار کے مناظر عکس بندی نہ کرانے کی شرط لازمی درج کراتے ہیں جس پر کبھی کسی ہدایتکار و فلمساز نے اعتراض نہیں کیا ہے تاہم اب سلو میاں نے خودہی اس راز سے پردہ کشائی کی ہے۔دبنگ خان کا کہنا تھا کہ میری فلمیں والدہ بھی دیکھتی ہیں جس  کے باعث میں نہیں چاہتا کہ وہ مجھے اس طرح کے قابل اعتراض مناظر کرتے ہوئے اسکرین پر دیکھیں لہذا اسی لیے فلموں میں بوس و کنارمناظر کی عکس بندی سے اجتناب کرتا ہوں۔واضح رہے کہ سلمان خان  اپنی نئی آنے والی فلم ’’ٹیوب لائٹ‘‘ کی تشہیر اور ’’ٹائیگر زندہ ہے‘‘ کی شوٹنگ میں مصروف ہیں۔

موضوعات:سلمان خان