لاہور( آن لائن ) لاہور کی احتساب عدالت نے قومی اسمبلی میں قائد حزب اختلاف شہباز شریف کا آشیانہ ریفرنس میں حاضری سے استثنیٰ کالعدم قرار دیتے ہوئے انہیں ذاتی حیثیت میں 26 جنوری کو طلب کرلیا۔ لاہور کی احتساب عدالت میں آشیانہ ریفرنس پر سماعت ہوئی۔ عدالت نے قومی اسمبلی میں قائد حزب اختلاف شہباز شریف کو

حاضری سے استثنیٰ کالعدم قرار دے دیا۔فاضل جج نے ریمارکس دیئے کہ ملزم اس وقت جیل حکام کی حراست میں ہے اور دوسرے کیسز میں پیش ہوتا ہے، ایسا نہیں ہوتا ملزم ایک کیس میں پیش ہو اور دوسرے میں اسے حاضری سے استثنیٰ دیا جائے۔ یہ اہم نوعیت کا کیس ہے اس لئے شہباز شریف 26 جنوری کو ذاتی طور پر پیش ہوں۔

موضوعات:شہباز شریف