اسلام آباد(مانیٹرنگ ڈیسک)مشیر خزانہ عبدالحفیظ شیخ کو وفاقی حکومت نے قومی مالیاتی کمیشن سے نکال دیا ہے، اس کے لئے نیا نوٹیفکیشن جاری کر دیا گیا ہے۔ ایک نجی ٹی وی چینل کی رپورٹ کے مطابق اسلام آباد ہائی کورٹ کے جسٹس عامر فاروق اور جسٹس میاں گل حسن اورنگ زیب نے قومی مالیاتی کمیشن کی تشکیل کے خلاف ن لیگ کے رہنما خرم دستگیر کی درخواست پر سماعت کی۔ اس موقع پر

اٹارنی جنرل نے قومی مالیاتی کمیشن کی تشکیل نو کا نوٹیفکیشن عدالت میں پیش کرتے ہوئے عدالت کو بتایا کہ قومی مالیاتی کمیشن کی تشکیل کے گزشتہ نوٹیفکیشن پر انہیں بھی اعتراض تھا جسے حکومت نے واپس لے کر مشیر خزانہ کی شمولیت کے بغیر نیا نوٹیفکیشن جاری کر دیا ہے۔ واضح رہے کہ جس نو ٹیفکیشن کو لیگی رہنما کی جانب سے چیلنج کیا گیا تھا وہ واپس لینے پر غیر موثر ہو گیا ہے۔

موضوعات:مشیر خزانہ عبدالحفیظ شیخ