اسلام آباد (مانیٹرنگ ڈیسک) کورونا وائرس کی وجہ سے عید الاضحی پر قربانی کا ارادہ ترک کر دیا جائے تو کیا ایسا فرد گناہ گار ہوگا؟ اسکے جواب میں علماء کرام نے بتایا ہے کہ کورونا کی وجہ سے احتیاطی تدابیرضرور اختیار کی جائیں، لیکن اس میں اس درجہ مبالغہ کرنا کہ شرعی احکام کو ترک کردیا جائے، شعائر اسلام کی صورت مسخ کردی جائے، جائز نہیں۔

اگر آپ کے لیے اپنے گھر میں قربانی کا اہتمام ممکن نہیں ہے تو کسی جگہ اجتماعی قربانی میں حصہ لے لیں ،لیکن صاحب نصاب ہونے کے باوجود قربانی نہ کرنے سے شدید گناہ گا ر ہوں گے۔ رسول اللہ ﷺنے ایسے شخص پر جو وسعت کے باوجود قربانی نہ کرے، شدید ناراضی کا اظہار فرمایا ہے اور اسے عید گاہ کے قریب آنے سے بھی روک دیا۔

موضوعات:عید الاضحیٰ