اسلام آباد (این این آئی) قومی اسمبلی اجلاس کے دور ان وفاقی دارالحکومت میں پولیس کی ملازمتوں میں صوبائی کوٹہ پر عملدرآمد نہ ہونے کا انکشاف ہوا ۔ وقفہ سوالات کے دور ان وزیر داخلہ اعجاز شاہ نے بتایاکہ تیس ڈی ایس پیز میں سے پنجاب کے بائیس اور بلوچستان سے صرف ایک ڈی ایس پی ہے۔انہوںنے کہاکہ سندھ سے تعلق رکھنے والے تین جبکہ پختونخواہ سے چار ڈی ایس پیز ہیں۔

وزیر داخلہ نے کہاکہ پنجاب کے 130 ،سندھ 4 پختونخواہ 14بلوچستان 1 اور اے جے کے 3 انسپکٹر تعینات ہیں۔ وزیر داخلہ نے کہاکہ سب انسپکٹر میں پنجاب کے 387،سندھ 12،پختونخواہ 59،بلوچستان 1 اور آزاد کشمیر کے 12 شامل ہیں۔وزیر داخلہ نے کہا کہ اسسٹنٹ سب انسپکٹر میں 765 پنجاب، سندھ 43،پختونخواہ 186، اور بلوچستان کے 19 شامل ہیں۔وزیر داخلہ نے کہاکہ ہیڈ کانسٹبل میں پنجاب سے 993 سندھ 23 پختونخواہ 353 اور بلوچستان سے چار ہیں۔وزیر داخلہ نے کہاکہ کانسٹیبل میں پنجاب سے 3892 ،سندھ 366 پختونخواہ سے 1304 اور بلوچستان سے 95 تعینات ہیں۔وزیر داخلہ نے تحریری جواب میں بتایاکہ وزیر اعظم ہائوس میں یونیورسٹی بنانے کیلئے متعلقہ اداروں سے ابھی تک اجازت حاصل نہیں کی گئی ہے۔انہوںنے کہاکہ اسلام آباد کے رہائشی علاقوں میں یونیورسٹیوں کے قیام کیلئے مخصوص قواعد موجود نہیں ہیں۔وزیر منصوبہ بندی خسروبختیار نے کہاکہ سی پیک منصوبے کے تحت رشکئی میں اقتصادی زون بنایا جا رہا ہے،اس جگہ کی نشاندہی کے پی کے حکومت نے کی تھی۔وزارت خزانہ کی جانب سے بتایاگیاکہ مالی سال 13-2012 اور18 -2017 کے دوران ٹیکس ٹو جی ڈی پی کی شرح 8.7 فی صد سے بڑھ کر2 .11 فے صد ہوئی۔وزارت خزانہ کے مطابق اگست 2018 سے جنوری 2019 کے دوران ملکی قرضوں میں 1514 ارب روپے کا اضافہ ہوا۔

موضوعات:قومی اسمبلی