لاہور (این این آئی)پاکستان مسلم لیگ (ن) کے مرکزی رہنما سابق وزیر خارجہ خواجہ محمد آصف نے کہا ہے کہ وزیراعظم عمران خان ڈاکوؤں کا سب سے بڑا سر پرست ہے۔ سماجی رابطوں کی ویب سائٹ ٹوئٹر پر اپنے بیان میں خواجہ آصف نے وزیراعظم کی 26سیکنڈ پر مشتمل ایک ویڈ شیئر کی جس کے ردعمل میں ان کا کہنا تھا کہ یہ خود ڈاکوؤں کا سب سے بڑا سر پرست ہے جن کو ڈاکو کہتا تھا آج وہ اسکے حصہ دار ہیں اسکا اقتدار لٹیروں کی پناہ گاہ بن چکا ہے۔

دریں اثناء پاکستان مسلم لیگ (ن) لاہور کے صدر و رکن قومی اسمبلی محمدپرویز ملک وجنرل سیکرٹری خواجہ عمران نذیر نے نیوزی لینڈ میں دو مساجد میں دہشت گردی کی مذمت کرتے ہوئے کہاکہ کرائسٹ چرچ کی مساجد میں نماز جمعہ کے وقت دہشت گرد حملے میں متعدد افراد کی شہادت پر دلی رنج ہوا ہے وزیراعظم نیوزی لینڈ سے افسوس اور ہمدردی کا اظہار کرتے ہیں۔ اس واقعہ پر فوری طور پر او آئی سی کا اجلاس طلب کرکے مسلمانوں کی حفاظت اور انہیں دہشت گردی سے بچانے کی حکمت عملی طے کی جائے اور مستقبل میں ایسے سانحات کے سد باب کیلئے عالمی برادری کو مشترکہ حکمت عملی اپنانے پر زور دیا جائے۔این آر او کی بات کرنے والے پہلے ملکی معیشت کو ٹھیک اور عوام کو مہنگائی سے نجات دلائیں جس میں وہ مکمل طور پر ناکام نظر آتے ہیں،لیڈر این آر او یا یوٹرن سے نہیں بنتے نہ ہی کسی لیڈر کو اس کی ضرورت ہوتی ہے، عمران نیازی کو اس کی ضرورت تھی اسی لئے انہوں نے اپنی بہن علیمہ خان کو دیا۔انہوں نے کہا کہ ،پاکستان کی معیشت وینٹی لیٹر پر اور عوام سکتے میں ہیں،اور ایٹمی قوت کو آج بھکاری کی دنیا میںآج شکل میں پیش کیا جارہاہے۔ پاکستان مسلم لیگ (ن) کے مرکزی رہنما سابق وزیر خارجہ خواجہ محمد آصف نے کہا ہے کہ وزیراعظم عمران خان ڈاکوؤں کا سب سے بڑا سر پرست ہے۔

موضوعات:خواجہ محمد آصف