اسلام آباد (نیوز ڈیسک) متحدہ عرب امارات کے ولی عہد شیخ محمد بن زید سے وزیراعظم عمران خان نے اپنی کابینہ کے ارکان کا تعارف کروایا اور اس حوالے سے تصویریں بھی جاری کی گئیں، زرتاج گل اور مراد سعید کی تصاویر پر سوشل میڈیا پر لوگوں نے تنقید کی، اس پر اسحاق ڈار کے بیٹے علی ڈار بھی پیچھے نہ رہے اور سماجی رابطے کی ویب سائٹ ٹوئٹر پر اپنے پیغام میں کہا کہ زرتاج گل صاحبہ کی شاہی مہمان کے ساتھ تصویر کے حوالے سے جو کل سے کچھ پٹواری حضرات مذاق اڑا رہے ہیں وہ نہایت غیر مناسب ہے، یہ اقدار آپ کے قائد میاں نواز شریف

نے آپ کو نہیں دیے، جس طرح اپنی بہن مریم نواز کی عزت کرنا آپ پر فرض ہے اسی طرح تمام انصافی ماؤں، بہنوں اور بیٹیوں کی بھی۔ واضح رہے کہ اس سے قبل وزیر مملکت برائے ماحولیاتی تبدیلی زرتاج گل نے اپنے ٹویٹ میں کہا کہ میرے لیے اعزاز ہے کہ آج وزیراعظم نے مجھے متحدہ عرب امارات کے ولی عہد سے جن الفاظ میں متعارف کرایا۔ انہوں نے مجھے ایک مضبوط قوت ارادی رکھنے والی لیڈر کہا جس نے مشکل ترین علاقے سے سرداروں کو ہرایا اور اب کابینہ کا حصہ ہے، میرا عزم ہے کہ کپتان کے اعتماد پر ہمیشہ پورا اتروں۔

موضوعات:علی ڈار کا حیرت انگیز ردعمل