اسلام آباد (این این آئی)وزیراعظم کے معاون خصوصی برائے میڈیا افتخار درانی نے وزیر خزانہ اسد عمر کے حوالے سے ایک نجی ٹی وی کی جانب سے وزیر اعظم سے منسوب کردہ من گھڑت بیان کی تردید کی ہے ۔ ایک بیان میں افتخار درانی نے کہاکہ وزیر خزانہ کے حوالے سے وزیر اعظم سے منسوب کردہ بیان صریحاً غلط اور من گھڑت ہے۔ افتخار درانی نے کہا کہ

نہ تو پارٹی رہنماؤں کا کوئی اجلاس ہوا ہے اور نہ ہی وزیر اعظم نے وزیر خزانہ کی کارکردگی سے متعلق کوئی ایسا اظہار خیال کیا ہے ۔ انہوں نے کہاکہ وزیر خزانہ اسد عمر وزیر اعظم کے قریبی ساتھی اور پارٹی کے سینئر رہنما ہیں جو ملکی معیشت کے معاملات سے پوری طرح واقف ہیں۔ انہوں نے کہاکہ وزیر اعظم کو ان کی صلاحیتوں پر مکمل اعتماد ہے۔

موضوعات:وزیراعظم کے معاون خصوصی برائے میڈیا افتخار درانی