اسلام آباد(مانیٹرنگ ڈیسک)نجی ٹی وی پروگرام میں معروف صحافی عامر متین نے گفتگو کرتے ہوئے انکشاف کیا ہے کہ تحریک انصاف کی زرتاج گل جو کہ ان خواتین میں شامل ہیں جو کہ ڈائریکٹ الیکشن جیت کر آئی ہیں اور ن لیگ کے سردار اویس لغاری کو ہرا کر آئی ہیں اور ڈی جی خان میں جو کہ قبائلی علاقہ ہے وہاں سے اپنے دم پر الیکشن لڑ کر آئی ہیں،تحریک انصاف کی حکومت بننے کے بعد ان کو کابینہ کا حصہ نہیں بنایا گیا۔ کہا یہ جا رہا تھا کہ ایک آدھی میٹنگ میں انہوں نے

وزیراعلیٰ عثمان بزدار کی شان میں تھوڑی سے گستاخی کر دی تھی تو اس سے وزیراعظم عمران خان نے ان کو ایک قسم کی جھاڑ سی پلا دی تھی۔ اور اب خبر یہ آئی ہے کہ زرتاج گل کو موسمیاتی تبدیلی کی وزارت دی جا رہی ہے، فیصل واوڈا کی بھی سنی گئی ، وہ بڑے پریشان رہتے تھے، ان کو وزارت پانی کا قلمدان دیا جا رہا ہے، اعظم سواتی کو سائنس و ٹیکنالوجی دی جا رہی ہے ، اعلی امین گنڈا پور کو شہد کی بوتلوں کے باوجود ان کو وزارت امور کشمیر و ناردرن ایریاز دیدی گئی ہے۔

موضوعات:زرتاج گل عامر متین