اسلام آباد (این این آئی) وزیراعظم عمران خان نے قطر پٹرولیم کی طرف سے پاکستان کے توانائی اور پٹرولیم کے شعبوں میں سرمایہ کاری کا خیر مقدم کرتے ہوئے اس ضمن میں حکومت کے بھرپور تعاون کا یقین دلایا ہے۔ وزیراعظم نے یہ یقین دہانی جمعہ کو قطر پٹرولیم کے صدر و چیف ایگزیکٹو آفیسر سعد شریدا الکابی سے وزیراعظم سے ہونیوالی ملاقات کے

دوران کرائی۔ سعد شریدا الکابی نے وزیراعظم کو قطر پٹرولیم کی سرگرمیوں کے بارے میں آگاہ کیا۔ انہوں نے پاکستان میں کمپنی کی سرمایہ کاری میں اضافہ میں گہری دلچسپی ظاہر کی جس پر وزیراعظم نے قطر کی جانب سے پاکستان کے توانائی اور پٹرولیم شعبوں میں سرمایہ کاری کا خیر مقدم کرتے ہوئے حکومت کی جانب سے بھرپور تعاون کا یقین دلایا ہے۔

موضوعات:عمران خان