لاہور(نیوز ڈیسک) سابق وفاقی وزیرریلوے اور مسلم لیگ (ن) کے سینئر رہنما خواجہ سعد رفیق نے عام انتخابات میں عمران خان کو بھر پور شکست دینے کا دعویٰ کرتے ہوئے کہا ہے کہ عام انتخابات کے بائیکاٹ کی کوئی سوچ نہیں ڈٹ کر سیاسی مخالفین کا مقابلہ کر یں گے ‘ قومی احتساب بیورو (نیب ) اور عدالتوں میں زیرِ سماعت مقدمات میں الجھا کر مسلم لیگ (ن) کی انتخابی مہم کو متاثر کیا جارہا ہے‘

(ن) لیگ کے لیے بھی انتخابی مہم کے لیے اسی طرح کی آزادی دی جائے جیسی دیگر سیاسی جماعتوں کو حاصل ہے۔میڈیا سے گفتگو کرتے ہوئے خواجہ سعد رفیق نے کہا کہ قومی اسمبلی کی نشست این اے 131لاہور کے عوام ان کے ساتھ ہیں اور وہ تحریک انصاف کے چیئرمین کو بھاری اکثریت سے شکست دیں گے۔خواجہ سعد رفیق نے شکوہ کیا کہ پاکستان مسلم لیگ (ن) کو آئندہ انتخابات میں حصہ لینے کے لیے یکساں مواقع فراہم نہیں کیے جارہے۔انہوں نے خبردار کیا کہ اگر مسلم لیگ (ن) کے کارکنان کو اس طرح نشان بنایا جاتا رہا تو ہم بہت کچھ بول سکتے ہیں۔انہوں نے مطالبہ کیا کہ مختلف حربوں سے ہمیں تنگ کرنا بند کیا جائے اور ہمیں بھی الیکشن لڑنے کا پورا پورا موقع دیا جائے۔مسلم لیگ (ن) کی جانب سے الیکشن کے بائیکاٹ کی افواہوں کی تردید کرتے ہوئے خواجہ سعد رفیق کا کہنا تھا کہ اس معاملے میں کوئی سوچ و بچار نہیں کی گئی۔خواجہ سعد رفیق نے الزام عائد کیا کہ قومی احتساب بیورو (نیب ) اور عدالتوں میں زیرِ سماعت مقدمات میں الجھا کر مسلم لیگ (ن) کی انتخابی مہم کو متاثر کیا جارہا ہے۔انہوں نے مطالبہ کیا کہ مسلم لیگ (ن) کے لیے بھی انتخابی مہم کے لیے اسی طرح کی آزادی دی جائے جیسی دیگر سیاسی جماعتوں کو حاصل ہے۔  سابق وفاقی وزیرریلوے اور مسلم لیگ (ن) کے سینئر رہنما خواجہ سعد رفیق نے عام انتخابات میں عمران خان کو بھر پور شکست دینے کا دعویٰ کرتے ہوئے کہا ہے کہ عام انتخابات کے بائیکاٹ کی کوئی سوچ نہیں ڈٹ کر سیاسی مخالفین کا مقابلہ کر یں گے

موضوعات:سعد رفیق