اسلام آباد (مانیٹرنگ ڈیسک) این اے 63سے سردار ممتاز اور این اے 59سے انجینئر قمر الاسلام کو چوہدری نثار کے مقابلے میں اتارنے کا فیصلہ۔ نواز شریف کی قیادت میں مسلم لیگ ن کے پارلیمانی بورڈ نے دونوں کو آج انٹرویو کیلئے طلب کر۔ تفصیلات کے مطابق ٹیکسلا کی تاریخ میں پہلی مرتبہ چوہدری نثار کے مقابلے میںن لیگی رہنما کاالیکشن لڑنے کا فیصلہ کیا ہے۔ن لیگ کے

سینئر ترین رہنما چوہدری نثار کی بغاوت پارٹی کیلئے درد سربن چکی ہے اور اسی دوران انتخابات کا بگل بھی بج اٹھا ہے اور چوہدری نثار نے جیسے ہی این اے 59اور 63سے الیکشن لڑنے کا اعلان کیا تو تاریخ میں پہلی مرتبہ ن لیگی امیدوار سردار ممتاز نے این اے 63سے سابق وزیراداخلہ کے مقابلے میں الیکشن لڑنے کیلئے کاغذات نامزدگی حاصل کر لئے ہیں۔جبکہ دوسری جانب این اے 59سے انجینئر قمر الاسلام کو چوہدری نثار کے مقابلے میں اتارنے کا فیصلہ کر لیا گیا ہے اور ن لیگ کے پارلیمانی بورڈ نے دونوں کو آج طلب کر لیا ہے جہاں ان سے انٹرویو لیا جائے گا۔ واضح رہے کہ اس سے قبل صدر ن لیگ اور سابق وزیراعلی پنجاب شہباز شریف کی جانب سے اعلان کیا گیا تھا کہ چوہدری نثار ٹکٹ مانگیں یا نہ مانگیں، لیکن پارٹی انہیں ٹکٹ ضرور دے گی۔ تاہم شہباز شریف کے اس اعلان کے باوجود اب ن لیگ کے سردار ممتاز خان نے این اے 63 سےچوہدری نثار کیخلاف الیکشن لڑنے کیلئے کاغذات نامزدگی جمع کرا دیے ہیں۔ ٹیکسلا کی تاریخ میں پہلی مرتبہ چوہدری نثار کے مقابلے میں کسی ن لیگی رہنما کا الیکشن لڑنے کا فیصلہ کیا ہے۔اس حلقے سے سردارممتازخان کے سوا ن لیگ کے کسی دوسرے امیدوارنے ٹکٹ کیلیے درخواست نہیں دی۔ چودھری نثار گزشتہ کئی انتخابات میں اس حلقےسے الیکشن لڑتے آرہے ہیں۔ جبکہ سابق وزیر داخلہ کی جانب سے

کل این اے 63 اوراین اے59 سے کاغذات نامزدگی جمع کرائے جانے کا امکان ہے۔ چودھری نثار نے این اے 63 اور این اے59 سے الیکشن لڑنے کا اعلان پہلے ہی کر دیا تھا۔جبکہ چودھری نثارنے پی پی 10 اور پی پی 14 سے بھی الیکشن لڑنے کا اعلان کر رکھا ہے۔ ایسے میں سردار ممتاز خان کی جانب سے چوہدری نثار کے مقابلے میں الیکشن لڑنے کیلئے کاغذات نامزدگی جمع کروانے کے

بعد کئی سوالات نے جنم لے لیا ہے۔ ذرائع کے مطابق سردار ممتاز خان کو نواز شریف کی صاحبزادی مریم نواز کی بھرپور حمایت حاصل ہے۔ مریم نواز کسی صورت چوہدری نثار کو ن لیگ کا ٹکٹ دینے کے حق میں نہیں ہیں۔دوسری جانب چوہدری نثار کے حوالے سے انتہائی تشویشناک خبر بھی منظر عام پر آئی ہے کہ وہ شدید علیل ہیں اور زیر علاج ہیں۔

موضوعات:انجینئر قمر الاسلام این اے 59 این اے 63 چوہدری نثار سردار مممتاز