پہلے ختم نبوت کا مسئلہ بنا اور اب ملک دشمنی کے الزامات لگ رہے ہیں،اس صورتحال سے نکلنا ہے تو اب یہ کام کرنا ہی ہوگا،چوہدری نثار نے پارٹی قیادت کواہم ترین مشورہ دیدیا

  بدھ‬‮ 16 مئی‬‮‬‮ 2018  |  23:32

اسلام آباد (نیوزڈیسک)پہلے ختم نبوت کا مسئلہ بنا اور اب ملک دشمنی کے الزامات لگ رہے ہیں،اس صورتحال سے نکلنا ہے تو اب یہ کام کرنا ہی ہوگا،چوہدری نثار نے پارٹی قیادت کواہم ترین مشورہ دیدیا،تفصیلات کے مطابق پاکستان مسلم لیگ (ن )کے رہنمااور سابق وزیر داخلہ چوہدری نثار علی خان نے کہا ہے کہ یہ امر انتہائی تشویش ناک ہے پہلے ہماری حکومت میں ختم نبوت کا مسئلہ بنا اور اب ملک دشمنی کے الزامات لگ رہے ہیں۔ اپنے ایکبیان میں چوہدری نثار نے کہا کہ محاذ آرائی کا سلسلہ جاری رہا تو صرف پارٹی ہی نہیں ملک کو

شدید نقصان کا اندیشہ ہے۔انہوں نے کہا کہ لائحہ عمل صحیح نہ کیا گیا تو پارٹی کو ناقابلِ تلافی نقصان پہنچنے کا خطرہ ہے۔انہوں نے کہا کہ سیاست دان کا کام اپنے اصولوں پر قائم رہ کر راستہ نکالنا ہے،مسلم لیگ ن کو بطور پارٹی موجودہ صورتحال پر ٹھنڈے دل سے غور کرنا ہوگا۔ان کا کہنا تھا کہ غصہ اور تصادم کسی سیاسی مسئلے کا حل نہیں ہے۔

موضوعات:

آج کی سب سے زیادہ پڑھی جانے والی خبریں