لاہور( مانیٹرنگ ڈیسک) نجی ٹی وی ایکسپریس نیوز کے معروف پروگرام ’خبردار‘ کے اینکر آفتاب اقبال نے ایک دلچسپ واقعہ سناتے ہوئے بتایا کہ کسی زمانے میں میری وزیراعلیٰ پنجاب شہباز شریف سے بہت دوستی تھی اور ہم جب ملتے تو اکثر ہماری ملاقاتوں کا موضوع نواز شریف ہوا کرتے تھے۔ ہم نواز شریف کے تغیرات اور ان کے مزاج پر بحث کرتے تھے۔ انہوں نے کہا کہ نواز شریف کے

صاحبزادے حسن نواز نے مجھے دو بار ملاقات کیلئے دعوت دی تاہم سکیورٹی وجوہات کی بنا پر میری ان سے ملاقات نہ ہو سکی تاہم ایک بار شریف خاندان کے گھر واقع جاتی امرا میں میری نواز شریف کے دونوں صاحبزادوں حسن اور حسین نواز سے ملاقات ہوئی اور ہم آپس میں باتیں کر رہے تھے کہ اسی دوران نواز شریف اسلام آباد سے بذریعہ جہاز لاہور پہنچے اور سیدھا جاتی امرا پہنچ گئے اور ہماری ملاقات میں شامل ہو گئے اور میری ان سے بھی بات چیت شروع ہو گئی ، اسی دوران نواز شریف نے وہاں اپنے چھوٹے بھائی شہباز شریف کو بھی بلا لیا لیکن شہباز شریف جب وہاں پہنچے اور مجھے وہاں دیکھا تو ان کا رنگ ہی بدل گی اور مجھے یقین ہی نہ آیا کہ یہ وہی شہباز شریف ہیں جو مجھ سے اتنے تپاک اور گرمجوشی سے ملا کرتے تھے۔آفتاب اقبال کا کہنا تھاکہ جاتی امرا میں شریف خاندان سے اس ملاقات کے ڈیڑھ ماہ بعد شہباز شریف اور ان کے صاحبزادے حمزہ شہباز شریف نے مجھ سے کہا کہ آپ نواز شریف کے ساتھ ڈائریکٹ کیوں ہو گئے تھے۔جس کے بعد مجھے اندازہ ہوا کہ میرا اس وقت کے وزیر اعظم نواز شریف سے پر تکلف انداز میں ملنا شہباز شریف کو اچھا نہیں لگاتھا۔واضح رہے کہ آفتاب اقبال عموماََ اپنے پروگرامات میں ن لیگ اور حکومت کی اہم شخصیات سمیت خصوصاََ شریف خاندان سے متعلق اہم انکشاف کرتے رہتے ہیں۔ سعودی عرب میں نواز شریف اور شہباز شریف کی سعودی ولی عہد سے ملاقات اور بڑی ڈیل کی خبر بھی آفتاب اقبال نے ہی بریک کی تھی۔

موضوعات:آفتاب اقبال جاتی امرا حسن نواز حسین نواز حمزہ شہباز شہباز شریف نواز شریف