اسلام آباد (مانیٹرنگ ڈیسک) پنجاب کے وزیر تعلیم رانا مشہود کا کہنا ہے کہ زینب قتل کیس سے متعلق چند مشکوک افراد کو پکڑ لیا ہے، تفصیلات کے مطابق ایک نجی ٹی وی چینل سے بات چیت کرتے ہوئے انہوں نے کہا کہ قصور واقعے کے حوالے سے چند مشکوک افراد کو پکڑ لیا گیا ہے، انہوں نے کہا کہ امید ہے کہ جلد ملزم پکڑ لیا جائے گا۔ اس موقع پر انہوں نے کہا کہ کچھ سیاستدان اس معاملے پر اپنی سیاست چمکانے کی کوشش کر رہے ہیں، ان سیاستدانوں نے لوگوں کو بھڑکایا جس کے

بعد املاک کو نقصان پہنچایا گیا، رانا مشہود نے کہا کہ حکومتوں پر اعتماد کیا جانا چاہیے،انہو ں نے بتایا کہ تحقیقاتی اداروں نے کہا کہ کشیدہ صورتحال پر ڈیڈلائن کے مطابق کام نہیں کرسکتے، انہوں نے نجی ٹی وی چینل سے بات چیت کرتے ہوئے کہا کہ بچوں اور عوام میں آگاہی پیدا کرنے کی ضرورت ہے، بچوں میں آگاہی پیدا کرنے کے لیے میڈیا کی معاونت حاصل کریں گے۔ پنجاب کے وزیر تعلیم رانا مشہود کا کہنا ہے کہ زینب قتل کیس سے متعلق چند مشکوک افراد کو پکڑ لیا ہے

موضوعات:وزیر تعلیم رانا مشہود