اسلام آباد (مانیٹرنگ ڈیسک) ڈالر گرل ایان علی کے بعد ڈالر مین بھی سامنے آگیا، سابق ڈائریکٹر کے ڈی اے ناصر عباس کی گرفتاری کے ساتھ ہی تہلکہ خیز انکشافات سامنے آگئے۔ تفصیلات کے مطابق قومی احتساب بیورو نے سابق ڈائریکٹر کے ڈی اے ناصر عباس کو گرفتار کر لیا ہے، نیب حکام نے سابق ڈی جی کو کراچی کے مقامی ہسپتال سے گرفتار کیا ۔ان پر 10 ارب روپے کی منی لانڈرنگ

، زمینوں کی بندر بانٹ اور غیر قانونی اثاثے بنانے کا الزام ہے۔ واضح رہے کہ اس سے قبل ناصر عباس 2 پاسپورٹ رکھنے کے الزام میں ایف آئی اے کی تحویل میں بھی تھے۔ناصر عباس نے کینڈین پاسپورٹ سید عباس کے نام سے بنا رکھاتھا جبکہ نیب نے ناصر عباس کی کینڈین پاسپورٹ پر سفر کی تفصیلات حاصل کرلی ہیں،نا صر عباس کے کینیڈا میں 3 اور امریکہ میں ایک گھر ہے۔

موضوعات:ڈالر گرل ڈالر مین ناصر عباس نیب