لاہور (مانیٹرنگ ڈیسک)حلقہ این اے 120میں ن لیگ کی امیدوار اور سابق وزیراعظم نواز شریف کی اہلیہ بیگم کلثوم نواز کی جیت کا جشن مناتے لیگی کارکنوں نے پاک فوج کے جوانوں سے بھری گاڑی کے سامنے نعرے بازی شروع کر دی، ویڈیو انٹرنیٹ پر وائرل ہو گئی۔

تفصیلات کے مطابق حلقہ این اے 120میں ن لیگ کی امیدوار اور سابق وزیراعظم نواز شریف کی اہلیہ بیگم کلثوم نواز کی جیت کی خوشی میں ن لیگ کے ورکرز نے خوب جشن منایا اور اس حوالے سے کئی ویڈیوز بھی سوشل میڈیا کی زینت بنیں جن میں دیکھاجا سکتا ہے کہ لیگی کارکنان اور ورکرز بیگم کلثوم نواز کی جیت کا جشن بہت جوش و خروش سے منا رہے ہیں لیکن اب ایک ایسی ویڈیو منظر عام پر آئی ہے جو کہ سوشل میڈیا پر تیزی سے وائرل ہورہی ہے جس میں دیکھا جا سکتا ہے کہ حلقہ این اے 120میں جیت کا جشن مناتے لیگی کارکنان اور ورکز کے سامنے اچانک پاک فوج کی جوانوں سے بھری ایک گاڑی آجاتی ہے جس پر نوجوانوں کے نعروں میں تیزی اور شدت آجاتی ہے۔ ویڈیو میں دیکھا جا سکتا ہے کہ جیسے ہی پاک فوج کی گاڑی وہاں آتی ہے اور ہجوم میں پھنس جاتی ہے تو کارکنان نعرے بازی شروع کر دیتے ہیں کہ ”میاں جی۔۔۔! تُن کے رکھو۔ویڈیو سوشل میڈیا پر وائرل ہونے پر صارفین اس پر اپنے اپنے جذبات اور خیالات کا اظہار کر رہے ہیں جبکہ کئی لوگوں کی جانب سے ن لیگ کے کارکنان اور ورکرز کی جانب سے نعرے بازی پر شدید غم و غصے کا اظہار بھی کیا جا رہا ہے۔

موضوعات:پاک فوج حلقہ این اے120 ن لیگی ورکرز