لاہور( این این آئی)سیاسی حلقوں نے سابق وزیر اعظم نواز شریف کی اسلام آباد سے لاہور آمد کے موقع پر (ن) لیگ کے سیاسی شو کو انتہائی کامیاب قرار دیتے ہوئے دعویٰ کیا ہے کہ اس کے اثرات ستمبر میں ہونے والے این اے 120کے ضمنی انتخاب پر بھی مرتب ہوں گے۔ان حلقوں کا کہنا ہے کہ سیاسی مخالفین پانامہ فیصلے کے بعد اس قدرتعداد کی آمد کی توقع نہیں کر رہے تھے ۔نواز شریف نے جس جگہ اکٹھ کیا ہے اسے این اے 120کی انتخابی مہم کہا جا سکتا ہے

اوراس کے یقینی طو رپر نتائج پر اثرات مرتب ہوں گے ، ریلی کے مایوس کن آغاز کے بعد لاہور میں ہزاروں کی تعداد میں عوام کے نکلنے کی توقع نہیں کی جارہی تھی لیکن مناسب تعداد میں عوام کے نکلنے کے بعد سیاسی مبصرین اس ریلی کو این اے 120کے لئے پلس پواینٹ قرار دے رہے ہیں اور توقع ہے کہ اس ریلی کا ن لیگ کو فائدہ ہوگا لیکن پھر بھی این اے 120پر کانٹے دار مقابلے کی توقع ہے۔

موضوعات:سیاسی شو نواز شریف