لاہور ( این این آئی) ایف آئی اے انسداد انسانی سمگلنگ سرکل نے خاتون کو ملائشیا بھجوانے کا جھانسہ دے کر لاکھوں روپے بٹورنے والے ملزم کو گرفتار کر لیا، ملزم کے خلاف مقدمہ درج کر کے کارروائی شروع کر دی گئی۔ ایف آئی اے حکام کا کہنا تھا کہ انسداد انسانی سمگلنگ سرکل کو شازیہ ہاشم نامی خاتون نے درخواست دی

کہ انہیں جوہر ٹاون کے رہائشی ندیم عامر نے ملائشیا بھجوانے کے لیے آٹھ لاکھ روپے لیے لیکن نہ تو انہیں ملائشیا بھجوایا گیا اور نہ ہی اب انکے پیسے واپس کیے جا رہے ہیں جس پر ایف آئی اے نے ملزم کو گرفتاراور مقدمہ درج کر کے کارروائی شروع کردی ہے۔

موضوعات:انسانی سمگلنگ ایف آئی اے ملائشیا