لاہور(آئی این پی) لاہور کا حسن نکھارنے کیلئے ضلعی حکومت کا ایک اور اہم قدم، وال چاکنگ اور پوسٹرز لگانے والوں کے خلاف کریک ڈاؤن کیلئے تحصیل کی سطح پر کمیٹیاں تشکیل، پولیس، سپیشل برانچ اور ٹان ریگولیشن کے افسر شامل ہیں۔تفصیلات کے مطابق ضلعی حکومت نے شہر میں وال چاکنگ اور دیواروں پر پوسٹر لگانے کے خلاف مہم شروع کرنے کا فیصلہ کیا  تحصیل سطح پر کمیٹیاں بھی تشکیل دے دی ہیں۔

تحصیل سٹی میں وال چاکنگ کے خلاف مہم میں کمیٹی کے کنوئنیر عبداللہ خرم نیازی ہیں۔ تحصیل رائے ونڈ میں کنوئنیر علی اکبر بھنڈر ہوں گے، ماڈل ٹاون تحصیل میں محمد انور، شالامار میں اسسٹنٹ کمشنر شالامار صفدر ورک، کینٹ میں اسسٹنٹ کمشنر کیپٹن ریٹائرڈ شاہ میر کمیٹی کے کنوینئر ہیں کمیٹی میں پولیس، سپیشل برانچ، ٹاؤن ریگولیشن برانچ کے افسران شامل ہیں، کمیٹی متعلقہ تحصیل میں وال چاکنگ ختم کرانے کی ذمہ دار ہوگی

موضوعات:لاہور