اسلام آباد (مانیٹرنگ ڈیسک) پاکستان کا کنٹرول لائن پر سیز فائر لائن کی خلاف ورزی اورخاتون کی شہادت پر بھارت سے شدید احتجاج ۔بھارتی ڈپٹی ہائی کمشنر دفتر خارجہ طلب، احتجاجی مراسلہ تھما دیا۔ تفصیلات کے مطابق پاکستان نے کنٹرول لائن پر سیز فائر لائن کی خلاف ورزی اور سویلین آبادی پر بھارتی گولہ باری اور خاتون کی شہادت پر بھارت

سے شدید احتجاج کیا۔ دفترخارجہ نے اس سلسلے میں بھارتی ڈپٹی ہائی کمشنرجے پی سنگھ کو دفتر خارجہ طلب کر کے احتجاجی مراسلہ حوالے کیا ہے ۔ مراسلہ میں سیز فائر کی خلاف ورزی واقعات اور سویلین آباد پر بھارتی گولی باری پر شدید احتجاج کرتے ہوئے بھارت سے مطالبہ کیا گیا ہے وہ کنٹرول لائن اور سیز فائر معاہدے کی پاسداری کرے۔

موضوعات:احتجاجی مراسلہ بھارتی ڈپٹی ہائی کمشنر لائن آف کنٹرول وزارت خارجہ