اسلام آباد(مانیٹرنگ ڈیسک) نجی ٹی وی رپورٹ کے مطابق کیبل آپریٹرز نے ملک بھر میں تمام ٹی وی چینلز کی نشریات بند کر دی ہیں۔ اسلام آباد، راولپنڈی، ملتان، ڈیرہ غازی خان، بنوں ، کوہاٹ، بہاولپور، اوکاڑہ، پاکپتن، پتوکی اور دیگر شہروں سمیت ملک بھر میں کیبل آپریٹرز نے ڈی ٹی ایچ کیخلاف احتجاج کرتے ہوئے ٹی وی

چینلز کی نشریات بند کر دی ہیں۔ کیبل آپریٹرز کی جانب سے جاری احتجاجی مظاہروں میں اعلان کیا گیا تھا کہ اگر ہمارے مطالبات منظور نہ ہوئے تو نشریات بند کر دی جائیں گی اور اس اعلان کے چند گھنٹوں بعد کیبل آپریٹرز نے اس پر عمل در آمد بھی کر دیا ہے۔ کیبل آپریٹرز کا اس ضمن میں کہنا ہے کہ ان کے مطالبات کی

شنوائی نہیں ہو رہی ،رپورٹ کے مطابق قومی اسمبلی میں بھی نشریات بند ہو چکی ہیں اور دائرہ کار کو مزید بڑھایا جا رہا ہے۔

cncc by minahilsheryar

موضوعات:ٹی وی چینلز نشریات بند