راولپنڈی /گوجرخان( این این آئی) قانون نافذ کرنے والے اداروں کی اہم کارروائی ، دشمن انڈین خفیہ ایجنسی را کے سلیپر سیل کے اہم کارندے کی بیوی بچے گرفتار , رات گئے ہونے والی کارروائی میں خفیہ اداروں کے علاوہ پنجاب پولیس کی ایلیٹ فورسز راولپنڈی پولیس کے علاوہ آزاد کشمیر پولیس نے بھی حصہ لیا۔

” را” سلیپر سیل لائن آف کنٹرول پر تعینات پاک فوج کی چیک پوسٹس کی نشاندہی کرتا تھا جس کے نتیجے میں انڈین آرمی پاک فوج کی چیک پوسٹس کونشانہ بناتی تھی را ایجنٹ محمد جلال ولد نور محمد سکنہ اولی پنجانی کوٹلی اہل خانہ سمیت گوجرخان میں رہائش پذیر تھا، را ایجنٹ کے دیگر ساتھیوں کی تلاش جاری ہے ـذرائع کے مطابق ملزمان کے خلاف فتح پور نکیال میں مقدمہ 135/20 درج کیا گیا تھا جس کے اندراج کے بعد ملزم اہل خانہ کو لے کر گوجر خان منتقل ہو گیا تھا ، گرفتار اہل خانہ نامعلوم مقام پر منتقل کر دیئے گئے ـذرائع کے مطابق پولیس نے خاندان کے 4 افراد کو مندرہ سے حراست میں لیا گیا، ملزم جلال خان 8 مقام میں سیز فائر معاہدے کی خلاف ورزیوں پر بھارتی فوجیوں کی معاونت کرتا تھا، جلال پاکستانی چوکیوں کی لوکیشن بھارتی آرمی کو بتاتا تھا۔

موضوعات:را