بھارت کی امریکہ کیساتھ ملکر مسعود اظہر کوعالمی دہشتگرد قرار دینے کی کوششیں، ایسے مسائل اجاگر کرنے ہیں تو مسئلہ کشمیر بھی حل کریں ،چین کاعالمی برادری کو پیغام

  بدھ‬‮ 13 مارچ‬‮ 2019  |  12:18
واشنگٹن(آن لائن)اقوامِ متحدہ کی سلامتی کونسل (یو این ایس سی) میں جیشِ محمد کے سربراہ مسعود اظہر کو ’’عالمی دہشت گرد‘‘قرار دینے کی کوششوں پر امریکا نے پاکستان پر زور دیا ہے کہ دہشت گردوں کیخلاف فوری کارروائی کی جائے۔خبر رساں ادارے کی رپورٹ کے مطابق امریکی سیکریٹری اسٹیٹ مائیک پومپیو نے بھارتی سیکریٹری خارجہ وجے گوکھیل کیساتھ ملاقات کرتے ہوئے دہشت گردوں کیخلاف فوری کارروائی کی ضرورت پر زور دیا ہے ۔امریکی اسٹیٹ ڈپارٹمنٹ کے مطابق یو این ایس سی میں یہ قرار داد پیش کیے جانے کا امکان ہے۔دوسری جانب سلامتی کونسل کے مستقل رکن اور ماضی میں ان کوششوں کو روک دینے والے چین کا کہنا ہے کہ معاملے کا ذمہ دارانہ حل‘ صرف بات چیت کے ذریعے ہی ممکن ہے۔اس حوالے سے چینی وزارت خارجہ کے ترجمان ’لو کانگ‘ نے ایک سوال کے جواب میں عالمی برادری کو اس قسم کے مسائل اجاگر کرنے کیساتھ مسئلہ کشمیر کی جانب بھی توجہ دینے کا کہا۔ 

موضوعات:

loading...

آج کی سب سے زیادہ پڑھی جانے والی خبریں