اسلام آباد (مانیٹرنگ ڈیسک) فوج کے اندر بھی غدار موجود ہیں، سازشوں سے ہوشیار رہیں۔بھارتی فوج کے ایک جنرل کا اعتراف ۔بھارتی آرمی چیف نے اپنے افسران اور سپاہیوں کو متنبہ کیا ہے کہ وہ غیر ملکی خفیہ ایجنسیوں کی سازشوں سے ہوشیار رہیں۔ بھارتی فوج کے سائوتھ ویسٹرن کمانڈ کے کمانڈر ان چیف لیفٹیننٹ جنرل چیرش میتھسن نے متنبہ کیا ہے کہ اگر کوئی بھی فوجی ملک کیساتھ غداری میں پایا گیا تو اسے مثالی سزا دی جائے گی۔

روزنامہ جنگ میں شائع خبر کے مطابق بھارتی جنرل کا کہنا تھا کہ دشمن کی جانب سے ساز شو ں کا عمل دنیا بھر میں جاری ہے اور ان کی فوج وقتاً فوقتاً اپنے اہلکاروں کو اس سے بچانے کیلئے تربیت دیتی رہی ہے۔ ان کا کہنا تھا کہ پاکستان بھارتی فوجیوں کو ہدف بنانے اور اپنے جال میں پھنسانے کیلئے جاسوس خواتین کا استعمال کررہا ہے اور بھارتی فوجیوں کو اس بات سے باخبر رہنا چاہئے کہ غدا ر ی کے معاملے سے سختی سے نمٹا جائے گااور کوئی رعایت نہیں برتی جائیگی ۔

موضوعات:بھارتی آرمی چیف