اسلام آباد(مانیٹرنگ ڈیسک) آسیہ بی بی کے شوہر نے حکومت اور دھرنا دینے والی مذہبی جماعت کے مابین معاہدے کو تنقید کا نشانہ بنا ڈالا،حکام سے تحفظ دینے کا مطالبہ کردیا۔ جرمن ریڈیو کو انٹرویو دیتے ہوئے عاشق مسیح نے کہا کہ’’ یہ بھی غلط مثال رکھی جارہی ہے جس کی بنیاد پر عدلیہ پر دباؤ ڈالا جائے گا‘‘۔انہوں نے کہاکہ حکومت کو مظاہرین کی جانب سے دباؤ ہرگز قبول نہیں کرنا چاہیے تھا۔

عاشق مسیح کا کہنا تھا کہ عدالت کی جانب سے آسیہ بی بی کی بریت کا فیصلہ بہت بہادرانہ اقدام تھا۔عاشق مسیح نے موجودہ حالات کو اپنے لیے خطرناک قرار دیا۔انہوں نے کہا کہ ہمارے لیے حالات خطرناک ہیں، ہمارے پاس کوئی سیکیورٹی نہیں اور پناہ کے لیے اِدھر اَدھر چھپ رہے ہیں اور حال ہی دوبارہ اپنی جگہ تبدیل کی۔واضح رہے کہ آسیہ مسیح کے وکیل سیف الملوک بھی پاکستان چھوڑ کر چلے گئے ہیں۔

موضوعات:عاشق مسییح