اسلام آباد(مانیٹرنگ ڈیسک)بھارت کی ایک بار پھر ایل او سی پر شہری آبادی پر بلااشتعال فائرنگ، 19سالہ نوجوان شہید، پاک فوج کی جوابی کارروائی، دشمن کی گنیں خاموش کرادیں۔ تفصیلات کے مطابق آزادکشمیر میں ایل او سی پر بھارت کی جانب سے سیز فائر معاہدے کی خلاف ورزیاں جاری ہیں اور آج بھارتی بزدل فوج نے تتری نوٹ سیکٹر میں ایک بار پھر شہری آبادی کو

نشانہ بناتے ہوئے بلا اشتعال فائرنگ شروع کر دی جس کے نتیجے میں مویشیوں کیلئے گھاس کاٹتے ہوئے 19سالہ نوجوان جس کی شناخت انضمام امین کے نام سے ہوئی ہے شہید ہو گیا۔ بھارتی فائرنگ کے جواب میں پاک فوج نے بھی منہ توڑ جوابی کارروائی کرتے ہوئے دشمن کی گنیں خاموش کرا دیں۔ پاک فوج کی جانب سے کارروائی میں بھارتی چوکی کو نشانہ بنایا گیا ہے ۔

موضوعات:ایل او سی بھارت فائرنگ پاک فوج تیتری نوٹ سیکٹر