اسلام آباد ( آن لائن ) ایم کیو ایم پاکستان کے راہنما سلمان مجاہد بلوچ نے کہا ہے کہ فاروق ستارسمیت ایم کیوایم پاکستان کے کئی رہنمابانی ایم کیوایم سے بالواسطہ رابطے میں ہیں، فاروق ستاراور دیگر نے بانی ایم کیوایم کو سالگرہ کی مبارکباددی اور کیک بھی کاٹا ، فاروق ستارکہہ چکے ہیں انہیں پی ایس پی کے ساتھ انضمام یا اتحاد کی طرف جانا پڑے گا۔ نجی ٹی وی سے بات چیت کرتے ہوئے ایم کیو ایم پاکستان کے راہنما

سلمان مجاہد بلو چ نے کہا کہ ایم کیو ایم پاکستان کے بہت سے لوگ پارٹی چھوڑ کر جا رہے ہیں ، 22 اگست کوارم عظیم فاروقی نے ایم کیوایم کوچھوڑا ،پی ٹی آئی میں چلی گئیں، فاروق ستارکہتے رہے ہیں کہ ان پردباؤ ہے، فاروق ستارسمیت ایم کیوایم پاکستان کے رہنمابانی ایم کیوایم سے بالواسطہ رابطے میں ہیں، ایم کیو ایم پاکستان اور لندن کا ایک دوسرے پر الزامات کا سلسلہ نمائشی ہے۔ انہوں نے کہا کہ فاروق ستاراور دیگر نیبانی ایم کیوایم کو سالگرہ کی مبارکباددی، ایم کیو ایم پاکستان کے قائدین نے بانی ایم کیوایم کی سالگرہ کا کیک بھی کاٹاہے ، ڈی ایم سی،کے ایم سی ایم کیوایم کے پاس ہے،پیسے بنائیں گے اس کے بعدباہرچلے جائیں گے ، فاروق ستارکہہ چکے ہیں انہیں پی ایس پی کے ساتھ انضمام یا اتحاد کی طرف جانا پڑے گا۔ سلمان مجاہد بلوچ نے کہا کہ نہ کوئی دھڑا بنانے کا ارادہ ہے نہ کسی اورپارٹی میں جارہا ہوں، فاروق ستار کے لیے دل میں جو عزت تھی وہ اب نہیں ہے ۔

موضوعات:سلمان مجاہد بلوچ