شانگلہ (آن لائن)صوبہ خیبرپختونخواہ کے ضلع شانگلہ میں یوم آزادی کے موقع پر پرچم کشائی کی تقریب کے دوران کرنٹ لگنے سے 2 طلبہ جاں بحق ہوگئے۔جہاں تحصیل پورن میں گورنمنٹ پی زیڈ اے اسکول کے طلبہ بھیایسی ہی ایک تقریب کے دوران دھاتی پائپ کے ذریعے پرچم کشائی کررہے تھے۔اس دوران ان کے ہاتھ میں موجود پائپ قریب سے گزرنے والی بجلی کی تاروں سے ٹکرا گیاجس کے نتیجے میں کرنٹ لگنے سے دو طلبہ 8 سالہ عثمان اور 9سالہ ریحان جاں بحق ہوگئے۔

ایس ایچ او پورن شیر حسن نے بتایا کہ واقعے میں جا ں بحق ہونے والے بچے دوسری اور تیسری جماعت کے طالب علم تھے۔واقعے کی تفصیلات بتاتے ہوئے پولیس افسر کا کہنا تھا کہ مذکورہ اسکول کی مکمل عمارت موجود نہیں ہے اور بچوں کو کھلے آسمان کے نیچے تعلیم دی جاتی ہے، جہاں یوم آزادی کے حوالے سے پرچم کشائی کی تقریب جاری تھی کہ پرچم کا پائپ بجلی کی تاروں سے ٹکرا گیا، جس کے باعث بچے جاں بحق ہوئے۔انہوں نے بتایا کہ بچوں کی لاشیں لواحقین کے حوالے کردی گئیں۔

موضوعات:یوم آزادی