اسلام آباد(مانیٹرنگ ڈیسک)بھارتی فوج کی ایل او سی پر سیز فائر معاہدے کی خلاف ورزی، سماہنی سیکٹر میں دیہی آبادی پر فائرنگ و گولہ باری سے 2افراد شہید، 9زخمی ۔ تفصیلات کے مطابق بھارتی فوج نے ایک بار پھر ایل او سی پر سیز فائر معاہدے کی خلاف ورزی کرتے ہوئے میرپور آزادکشمیر کے سماہنی سیکٹر میں دیہی آبادی کو نشانہ بنایا ہے۔ بھارتی فائرنگ اور گولہ باری کے نتیجے

میں دو افراد شہید جبکہ 9زخمی ہو گئے ہیں۔ واضح رہے کہ چند دن قبل بھارتی فوج نے نیلم سیکٹر میں پٹرولنگ کرتے ہوئے پاک فوج کی گاڑی کو نشانہ بنایا تھا جس کے باعث وہ دریا میں جا گری تھی اور 4فوجی جوان شہید ہو گئے تھے۔ پاک فوج نے آج جوابی کارروائی کرتے ہوئے پونچھ سیکٹر میں بھارتی فوجی کیمپ کو نشانہ بنایا ہے جس میں متعدد بھارتی فوجیوں کے ہلاک ہونے کی اطلاعات ہیں۔

موضوعات:ایل او سی بھارتی فائرنگ سماہنی سیکٹر