نئی دہلی(آن لائن) بھارتی جاسوس اور بھارتی بحریہ کے حاضر سروس افسر کلبھوشن یادیو کے خاندان نے نئی دہلی میں سابق بھارتی وزیر خارجہ سشماسوراج سے اہم ملاقات کی ہے اور انہیں کلبھوشن یادیو کی محفوظ بھارت واپسی کے لئے کردار ادا کرنے اور انہیں کلبھوشن سے ملنے کے لئے فوری طور پر پاکستان کا ویزہ دلوانے کی اپیل کی ہے۔

ذرائع کے مطابق موجودہ بھارتی وزیر خارجہ سبرامنیم جے شنکر سے کلبھوشن کے خاندان کی ابھی تک ملاقات نہیں ہو سکی ہے۔ کلبھوشن کے خاندان نے سشما سوراج سے کہا ہے کہ انہیں یقین دلایا گیا تھا کہ عالمی عدالت انصاف کلبھوشن کو رہائی دلوانے کے احکامات جاری کرے گی لیکن نہ تو کلبھوشن کو رہائی مل سکی اور نہ ہی اس کی بھارت واپسی کی ابھی تک امید پیدا ہوئی ہے۔کلبھوشن کے خاندان نے مزید کہا ہے کہ انہیں اطلاع ملی ہے کہ کلبھوشن کو نامعلوم مقام پر منتقل کر دیا گیا ہے جس سے انہیں شدید تشویش لاحق ہو رہی ہے۔ سشما سوراج نے انہیں یقین دلایا ہے کہ وہ اپنی حکومت سے مسلسل رابطے میں ہیں جبکہ حکومت کلبھوشن کی واپسی کے لئے اقدامات کر رہی ہے۔ دوسری جانب ترجمان دفتر خارجہ کا ہفتہ وار بریفننگ دیتے ہوئے کہنا تھا کہ دہشت گرد کلبھوشن یادیو کو قونصلر رسائی دینے کے حوالے سے بھارت کو آگاہ کر دیا گیا ہے۔کلبھوشن یادیو کو قونصلر رسائی دے دی جائے گی۔ واضح ہے کہ گزشتہ دنوں عالمی عدالت میں کلبھوشن یادیو کے کیس کا فیصلہ سنایا گیا، پاکستان کا موقف تھا کہ عالمیعدالت کے پاس اختیارِ سماعت نہیں ہے۔ عدالت نے یہ موقف مسترد کردیا۔ یہ پوائنٹ بھارت کو مل گیا۔ یہاں یہ بات قابلِ ذکر ہے کہ عدالت کے اختیارِ سماعت پر اعتراض مدعا علیہ ویسے ہی کرتا ہے چاہے اسے یقین ہو کہعدالت اسے نہیں مانے گی۔

موضوعات:سشما سوراج