اسلام آباد (مانیٹرنگ ڈیسک) پاکستان کے خلاف امریکی صدر ڈونلڈ ٹرمپ کے ٹویٹ کے بعد ان کی طرف سے ایک اور ٹویٹ سامنے آیا ہے، جس میں امریکی صدر نے پاکستان کے بعد فلسطین کی امداد بھی روکنے کا اعلان کیا ہے، امریکی صدر ڈونلڈ ٹرمپ نے اپنے پیغام میں کہا کہ یروشلم بغیر مذاکرات کے چھین لیا ہے اب فلسطین کی امداد بھی روکیں گے۔ امریکی صدر نے ٹوئٹر پر اپنے پیغام میں کہا کہ صرف پاکستان ہی وہ واحد ملک نہیں ہے جسے ہم بغیر کسی وجہ کے اربوں ڈالر دے رہے ہیں بلکہ دنیا کے اور بھی ایسے ملک ہیں، مثال کے طور پر ہم فلسطینیوں کو ہر سال کروڑوں ڈالر دیتے ہیں جس کے جواب میں نہ

ہمیں سراہا جاتا ہے اور نہ ہی فلسطینی ہمیں عزت دیتے ہیں، انہوں نے مزید کہا کہ یہاں تک کہ وہ لوگ اسرائیل کے ساتھ طویل عرصے سے امن معاہدے پر بھی بات چیت نہیں کر رہے ہیں۔ امریکی صدر نے کہا کہ ہم نے مذاکرات کے سب سے مشکل ترین مرحلے میں ٹیبل سے ہٹ کر ہی کامیابی حاصل کی اور یروشلم کو چھین لیا ہے لیکن اسرائیل کو اس کیلئے مزید قربانیاں دینا ہوں گی۔ایسی صورت میں کہ جب فلسطینی امن مذاکرات کرنے میں کوئی دلچسپی نہیں رکھتے تو مستقبل میں ہم انہیں اتنی بھاری امداد کیوں دیں۔ امریکی صدر ڈونلڈ ٹرمپ کے اس نئے ٹویٹ پر امت مسلمہ میں شدید غم و غصے کی لہر دوڑ گئی ہے۔

موضوعات:ڈونلڈ ٹرمپ