واشنگٹن (این این آئی)امریکی صدر ڈونلڈ ٹرمپ نے کہا ہے کہ ایران سے نمٹنے کے لیے تمام آپشن کھلے ہیں، ایران بیلسٹک میزائل تجربات روک دے ورنہ اس کے سنگین نتائج سامنے آئیں گے،غیرملکی خبررساں ادارے کے مطابق امریکی صدر ڈونلڈ ٹرمپ نے صحافیوں سے بات چیت کرتے ہوئے کہا کہ ایران کے بیلسٹک میزائل تجربے کے بعد امریکا کے پاس ایران سے نمٹنے کے لیے تمام آپشن کھلے ہیں۔

انہوں نے کہاکہ ایران بیلسٹک میزائل تجربات روک دے ورنہ اس کے سنگین نتائج سامنے آئیں گے۔امریکی صدارتی دفتروائیٹ ہاؤس نے کہاہے کہ ایران کے بیلسٹک میزائل تجربات اور امریکی بحری جہازوں پر حملے قابل قبول نہیں۔ایران کے ان تمام تصرفات پر امریکا خاموش تماشائی نہیں رہے گا بلکہ ایران کو بھرپور جواب دیا جائے گا۔غیرملکی خبررساں ادارے کے مطابق وائیٹ ہائوس کے ترجمان شون سپائسر نے ایک بیان میں کہاکہ ایران نے دوبارہ بیلسٹک میزائل تجربہ یا سمندر میں ہمارے جہازوں پرحملے کی حماقت کی تو اس اس کا بھرپور جواب دیا جائے گا۔وائیٹ ہاؤس کے ترجمان شون سپائسر نے کہا کہ امریکی قومی سلامتی کے مشیر اپنے بیان میں ایران کو متنبہ کرچکے ہیں کہ ایران کے معاندانہ اقدامات پر امریکا خاموش نہیں رہے گا

موضوعات:ایران ڈونلڈ ٹرمپ